Arrestohet mashtruesi i vizave në Ferizaj

Të dyshuarit nga Ferizaj i janë konfiskuar edhe vula, printer, skaner, kartela te ndryshme bankare dhe dokumente te ndryshme

Një person i cili mashtronte qytetarët duke iu premtuar viza pune në Gjermani është arrestuar nga policia e Kosovës, raporton albinfo.ch.

Të dyshuarit nga Ferizaj i janë konfiskuar edhe vula, printer, skaner, kartela te ndryshme bankare dhe dokumente te ndryshme.

“Me 31 mars nga Policia e Kosovës, respektivisht nga Njësiti për Hetimin e Krimeve Ekonomike dhe Korrupsionit-Ferizaj, është arrestuar i dyshuari mashkull shqiptar me dyshimin e bazuar se i njëjti ka mashtruar disa qytetarë duke u premtuar viza pune në Gjermani”, ka njoftuar Policia e Kosovës me anë të një komunikate për media.

Atij i janë konfiskuar edhe disa gjësende dhe tani po mbahet në mbajtje. “Me urdhër të gjykatës kompetente është bastisur banesa e të dyshuarit me ç’rast janë gjetur dhe konfiskuar: dy vula te firmës se tij te cilat dyshohet se janë te falsifikuara , printer, skaner, kartela te ndryshme bankare dhe dokumente te ndryshme. Me urdhër te prokurorit i dyshuari dërgohet ne mbajtje”.