Arrestohet një person për sulmin në Dortmund

Një person është arrestuar dhe dy të tjerë janë duke u hetuar për sulmin terrorist ndaj autobusit të Borussia Dortmundit

Policia gjermane ka bërë të ditur se është arrestuar një person lidhur me sulmin terrorist në Dortmund, ku u plagos një futbollist i kësaj skuadre, raporton albinfo.ch.

Tre shpërthime kishin ndodhur afër autobusit të skuadrës, nga ku kishte ardhur te lëndimi i Marc Bartras, derisa futbollistët tjerë ishin në shok nga ajo që po ndodhte.

Dy persona të tjerë janë duke u hetuar. Në një letër të gjetur përgjegjësinë e merr Shteti Islamik.

Mediat gjermane shkruajnë se sulmi ishte i planifikuar dhe bombat ishin vendosur pikërisht në vende ku autobusi detyrohej ta ulte shpejtësinë.

Hetuesit thonë se kanë gjetur edhe një letër në vendngjarje, në të cilën, sipas mediave,  shkruhej “Në emër të Allahut”.

Futbollistët e Dortmundit janë shprehur të shokuar me ngjarjen që ka ndodhur, ashtu si edhe trajneri i kësaj skuadre. Ata kanë mbetur të befasuar që u detyruan të luajnë ndaj Monacos, vetëm një ditë pas sulmit.