Arrestohet shqiptari nga Guardia di Finanza në Itali

Itali: Kapen 220 kilogramë kokainë

Raportohet se një 37-vjeçar shqiptar është arrestuar nga Guardia di Finanza në Itali. Arrestimi i tij u bë gjatë një operacioni anti-drogë në Verona, ku u kapën 220 kilogramë drogë e llojit kokainë, përcjell albinfo.ch.

Thuhet se sasia u kap në një kamion që drejtohej nga shqiptari, i cili ishte edhe më parë i akuzuar për trafikim droge, shkruajnë mediat italiane. Nëse kokaina e pastër do të hidhej në treg, vlera e saj do të arrinte në 15 milionë euro.

Kamioni u ndalua nga agjentën e Guardia di Finanzas në autostradën A4 të Veronas. Agjentët vunë re se shpejtësia e kamionit ishte jo e zakonshme, prandaj fillimisht e verifikuan targën e automjetit.

Ata kishin pasur informacione se kamioni mund të përdorej për transportim të drogës. Ngjarja ka ndodhur më datën 6 mars.

Droga që u zbulua ishte e ndarë në 200 pako.

---