Arsyet pse Ukraina mund ta njohë Kosovën

screenshot photo facebook

Deputeti në Parlamentin e Ukrainës, Oleksiy Goncharenko, ka treguar se si e ka dorëzuar në kuvendin shtetëror në Kiev projektligjin me anë të të cilit vendi i tij duhet ta pranojë pavarësinë e Kosovës.

“Para 24 shkurtit disa thoshin se nëse Ukraina pranon Kosovën, atëherë Rusia mund ta arsyetojë çka po ndodhte në Krime dhe Donbas. Por, pas 24 shkurtit e gjithë bota tashmë e ka kuptuar se është vetëm pushtim i Rusisë, e jo vullnet i vërtetë i popullit. Mendoj që ka ardhur koha që Ukraina ta pranojë Kosovën”, tha Goncharenko për Klan Kosova.

Ligjvënësi i partisë Solidariteti Evropian, të ish-presidentit Petro Poroshenko, thotë se “Verkhovna Rada” kështu quhet kuvendi ukrainas, s’u mblodh ende për të diskutuar projektligjin.