Arti diplomon në fushën e Financave në Universitetin NOVA në Portugali

Platforma mediale Albinfo.ch, si një nga platformat më promovuese të diasporës, veçmas profileve të suksesshme, kësaj radhe sjell një storie suksesi nga Protogalia.

Bëhet fjalë për Art Morina, një i ri i nga Gjilani, është bërë studenti i parë nga Kosova që diplomon në fushën e Financave në Universitetin NOVA në Lisbonë, një nga institucionet më të vlerësuara të arsimit të lartë në Evropë.

Thuhet se ai ka përfunduar me sukses studimet master në Financa pranë Nova School of Business and Economics (Nova SBE), pjesë e Universitetit NOVA de Lisboa, një institucion me reputacion të lartë akademik, i njohur për cilësinë e mësimdhënies dhe kërkimit shkencor në nivel evropian dhe botëror.

Nova SBE është renditur ndër vite në mesin e 20 shkollave më të mira në Evropë për Financa, duke tërhequr studentë nga mbarë bota dhe duke u vlerësuar për programet moderne dhe të orientuara drejt tregut të punës global./Albinfo.ch