Asambleja e Përgjithshme e OKB-së dënon pushtimin rus të Ukrainës

141 shtete anëtare kanë votuar në favor të një rezolute përkatëse, 35 kanë abstenuar dhe 5 kanë kundërshtuar

Asambleja e Përgjithshme e Kombeve të Bashkuara ka dënuar sot pushtimin rus të Ukrainës dhe i ka bërë thirrje Rusisë që t’i japë fund agresionit të saj.

Votimi, i cili u mor me shumicë të madhe, nuk mund të bllokohet me veto nga përfaqësitë e vendeve anëtare të Këshillit të Sigurimit.

141 shtete anëtare të Kombeve të Bashkuara kanë votuar në favor të një rezolute përkatëse të mërkurën në Nju-Jork.

35 vende kanë abstenuar dhe vetëm 5 e kanë hedhur poshtë vendimin. Ato janë: Bjellorusia, Eritreja, Siria, Koreja e Veriut dhe vetë Rusia.

Siç dihet, rezolutat në Asamblenë e Përgjithshme të OKB-së nuk kanë fuqi veprimi, ndryshe nga ato që do të merreshin në Këshillin e Sigurimit.

Por mbledhja urgjente e mbajtur nga Këshilli i Sigurimit nuk ka arritur të sigurojë votimin për dënimit e agresionit rus, për arsyen e thjeshtë se Rusia, si shtet me status të përhershëm në KS, ka përdorur të drejtën e vetos.

---