ASK: Trend i rënies drastike të numrit të popullsisë në Kosovë

Sipas raportit të realizuar me ndihmën e UNFPA parashihet që Kosova në vitin 2061 të ketë 1 milion e 500 mijë banorë

Agjencia e Statistikave të Kosovës me mbështetje teknike nga ana e UNFPA-s ka prezantuar sot rezultatet e raportit të dytë për parashikimin e popullsisë në Kosovë, 2017-2061. 

Kryeshefi Ekzekutiv i ASK-së, Isa Krasniqi foli rreth rëndësisë së këtij publikimi pasi që është një orientim shumë i dobishëm për trendët e popullsisë deri në vitin 2061, që do t’i ofrohet publikut të gjerë brenda dhe jashtë Kosovës. Ai tha se këto të dhëna  duhet të konsiderohen si alarmi i fundit për trendet drastike të rënies së numrit të popullsisë në Kosovë në periudhat e ardhshme.

Ai po ashtu ka thënë  se sipas raportit parashihet që Kosova në vitin 2061 të ketë 1 milion e 500 mijë banorë. Përfaqësues i UNFPA-s, Andreë Rusell tha se për ndalimin e migrimit të të rinjve jashtë Kosovës duhet të ofrojmë reforma dhe përparime në përmirësimin e jetës së tyre.