Australia do të rihapë ambasadën në Zvicër

@pixabay

Australia do të rihapë ambasadën e saj në kryeqytetin zviceran Bernë në vitin 2022 pas një pauze 30-vjeçare, njoftuan të dy vendet të premten.

Ministri i Jashtëm zviceran Ignazio Cassis ndau lajmin në Twitter, duke thënë se ishte një “hap i rëndësishëm i vendeve tona”, duke iu referuar dy vendeve që shënojnë 60 vjetorin e marrëdhënieve diplomatike këtë vit. Homologia e tij australiane, Marise Payne, tha se Australia mezi priste hapjen e një ambasade në Bernë, përcjell albinfo.ch

Ambasada Australiane në Bernë u mbyll në vitin 1992 për arsye kostoje. Që atëherë, Zvicra është përfaqësuar nga ambasada në kryeqytetin gjerman Berlin. Australia gjithashtu ka një lidhje të jashtme të Konsullatës së Përgjithshme në Gjenevë. Rihapja e ambasadës australiane tregon se sa serioze janë marrëdhëniet mes Bernës dhe Kanberrës, tha ambasadori zviceran në Australi, Pedro Zwahlen.

“Zvicra është një nga investitorët e huaj më të rëndësishëm në Australi dhe është gjithashtu interesante për Australinë si partnere”, tha ai për televizionin publik zviceran SRF, përcjell tutje albinfo.ch