Austria: Beogradi të sqarojë raportet me Kosovën

Sipas nënkancelarit të Austrisë, Michael Spindelegger nga kjo do të varet kandidatura e Serbisë në Bashkimin Evropian

Nënkancelari i Austrisë, Michael Spindelegger i ka kërkuar Beogradit që të sqarojë raportet me Kosovën, pasi nga kjo varet kandidatura e Serbisë në Bashkimin Evropian.

Spindelegger këtë deklaratë e bëri gjatë një takimi që pati me homologun e tij hungarez, Janosh Martonijem dhe shefin e diplomacisë italiane, Franco Frattini, tranmsetojnë mediet e Kosovës.

Ministri i Jashtëm austriak, njëherësh nënkacelar, ka përjashtuar cdo mundësi të ndarjes së veriut të Kosovës dhe bashkimit të kësaj pjese me Serbinë.

“Pavarësia e Kosovës dhe integriteti territorial i saj për ne është i pakthyeshëm dhe këtë e dinë mirë edhe miqtë tanë serbë”, ka nënvizuar Spindeleger.

Ai ka theksuar se Austria mbështet integrimin vec e vec të secilit vend të Ballkanit perëndimor në Bashkimin Evropian. 

Më tej, Spindelegger i ka bërë apel Beogradit dhe Prishtinës që përmes dialogut nën patronazhin e BE-së të gjejnë zgjidhje për cështjen doganave.