Austria do të rivendosë ndalimin e fluturimeve nga Britania

Përveç kësaj, Mbretëria e Bashkuar do të futet në listën e zonave të variantit të virusit nga e marta

Austria do të vendosë një ndalim zbarkimi për fluturimet nga Britania e Madhe për shkak të përhapjes së të ashtuquajtuarit variant indian në vend, përcjell albinfo.at.

Avionët nga Mbretëria e Bashkuar nuk do të lejohen të zbarkojnë në Austri nga 1 qershori, sipas një rregullore nga Ministria e Shëndetësisë prezantuar të hënën.

Përveç kësaj, Mbretëria e Bashkuar do të futet në listën e zonave të variantit të virusit nga e marta.

Hyrja nga Mbretëria e Bashkuar në Austri do të jetë e mundur vetëm në një masë të kufizuar dhe me një test negativ PCR. Vetëm shtetasit dhe banorët austriakë do të lejohen të hyjnë në vend, përveç grupeve të caktuara, përcjell tutje albinfo.at.

---