Austria nuk do të luajë në Kupën e Botës të futbollit këtë vit

Keystone EPA/PETER POWELL

Pas humbjes 2-1 kundër Uellsit mbrëmë për gjysmëfinalen e kualifikimeve për Botërorin, skuadra austriake definitivisht këtë vit nuk do të luajë në Katar. Skuadra kombëtare e futbollit nuk kishte arritur të garantonte një vend në turneun e FIFA-s të këtij viti gjatë fazës së grupeve dhe po luante për të siguruar një nga vendet e pakta të mbetura, përcjell albinfo.ch.

Austria është kualifikuar për shtatë Kupa Botërore të FIFA-s, më së fundi në vitin 1998. Rezultati më i mirë i saj ishte vendi i tretë më 1954, por futbolli është ende një sport popullor në vend dhe tifozët ishin shpresëdhënës.

Tashmë e ardhmja e trajnerit të skuadrës, Franco Foda, është në pikëpyetje, pasi disa media thonë se ditët e tij janë të “numëruara” me shanse shumë të vogla për rinovim të kontratës, pasi të skadojë në më pak se një javë.