Autostrada “Arbën Xhaferi” përfundon në fund të vitit 2018

Ekzekutivi do të vazhdojë t’i mbetet borxh kompanisë ndërtuese në mungesë të buxhetit të mjaftueshëm për shkak të mosrishikimit të buxhetit dhe ndryshimit të disa ligjeve

Ministri i Infrastrukturës, Pal Lekaj, ka nënshkruar kontratën me kompaninë “Bechtel& Enka” për përfundimin e autostradës “Arbën Xhaferi” deri në fund të vitit 2018.

Ministri Lekaj ka deklaruar se qeveria është zotuar të përmbushë obligimet ndaj kompanisë ndërtuese, ndërsa zyrtarë të kësaj të fundit kanë dhënë garanci se projekti i autostradës do të përfundojë në fund të 2018-ës.

Për shkak të krizës politike, ekzekutivi do të vazhdojë t’i mbetet borxh kompanisë ndërtuese në mungesë të buxhetit të mjaftueshëm për shkak të mosrishikimit të buxhetit dhe ndryshimit të disa ligjeve.