Avramopulos: Kosova ka përmbushur kriteret për liberalizim vizash

Komisioneri i BE për Migracionin, Çështjet e Brendshme dhe Shtetësinë Dimitris Avramopulos ka konfirmuar edhe një herë se Kosova ka përmbushur të gjitha standardet e liberalizimit të vizave. Pas prezantimit të raportit vjetor të Komisionit të BE-së për përmbushjen e standarteve të liberalizimit të vizave nga vendet e Ballkanit Perëndimor, Avramopulos ka kërkuar nga Kosova që të bëjë më shumë në luftën kundër krimit të organizuar dhe korrupsionit.

“Unë mund të konfirmoj që Kosova ka përmbushur standardet e liberalizimit të vizave. Pas votimit të Parlamentit Evropian tani është me vendet anëtare të BE të vendosin, “tha Avramopoulos.

Kohët e fundit, krerët e Kosovës kanë akuzuar BE-në për vonimin e liberalizimit të vizave për qytetarët e Kosovës dhe “mos mbajtjen e fjalës së tyre”. Primari i Kosovës Ramush Haradinaj tha se vendi ndihet i tradhëtuar nga Bashkimi Evropian në një fjalim që bëri të hënën në Bruksel, shkruan schengenvisa, përcjell Albinfo.ch.

Sipas RFE / RL, zyrtarët e BE dhe diplomatët i kanë thënë mediave në kushte anonimiteti, se disa vende anëtare të BE janë ngurruese për dhënien e përfitimit pa viza në Prishtinë përpara zgjedhjeve të Parlamentit Evropian në maj të vitit të ardhshëm.