Babai i argjentinases që vdiq në Kosovë thotë se u zbulua se kishte shenja dhune

Në Kosovë autoritetet janë duke vazhduar hetimet mbi vdekjen e shtetases së Argjentinës, ku është arrestuar edhe i dashuri i saj shqiptar me nënshtetësi zvicerane.

Detajet e fundit tregojnë se i dashuri i saj mund ta ketë hedhur nga ballkoni. Sipas babait të saj, në trupin e vajzën janë gjetur shenja dhune.

“Ata kanë gjetur shenja në trupin e vajzës sime që tregojnë se ka pasur dhunë të mëparshme. Kishte mavijosje në krah”, ka thënë Facundo Urdangaray, babai i 27-vjeçares, përcjell albinfo.ch.

Urdangaray ka thënë se ekspertët e Prishtinës kanë gjetur plagë që nuk korrespondojnë me rënien nga lartësia, raportoi media argjentinase “Radio 221”.

“Kjo tregon se ka prova të forta se vajza ime është vrarë. Më jep pak qetësi fakti se ai person nuk do ta shohë më dritën e diellit”, ka shtuar ai për të dyshuarin e vrasjes, shkruan koha.net.