BAG raporton gabimisht afër 20.000 raste më pak gjatë festës

Pasi për shkak të Vitit të Ri, të premten nuk ishin raportuar raste të reja, zyra nuk ka raportuar rreth 19,000 raste si vlerë ditore

Zyra Federale e Shëndetit Publik (BAG) ka raportuar sot 38,437 raste të reja me korona të cilat janë regjistruar që nga e premtja, pra brenda tre ditëve, shkruan srf.ch.

Por meqenëse, si përjashtim, për shkak të Vitit të Ri, të premten nuk ishin raportuar raste të reja, zyra nuk ka raportuar rreth 19,000 raste si vlerë ditore.

Kështu, në fakt 57,387 raste të reja janë regjistruar që nga e enjtja, transmeton albinfo.ch. Gjithashtu edhe sa u përket pranimeve në spitale dhe numrit të vdekjeve, komunikimit të BAG i mungonin numrat e rinj nga e premtja.

Sipas llogaritjeve të SRF-Data, që nga e enjtja janë raportuar 57 raste të reja të vdekjes dhe 278 shtrime në spital.

Në grafikun koronës në panelin e SRF dhe në mesataren 7-ditore të rasteve të reja dhe mesataren 14-ditore të shtrimeve në spital, numrat nga e premtja ishin dhe janë gjithmonë të llogaritura dhe të treguara saktë.

Siç raportohet, mesatarja 7-ditore është 14,933 raste, që është 60 për qind më shumë se në javën e kaluar, ndërsa mesatarja 14-ditore e shtrimeve në spital është 82 në ditë.

BAG fillimisht fshiu tweet-in me numrat që nga e premtja, por nuk iu përgjigj pyetjeve. BAG më pas korrigjoi shifrat në orën 17:00.

---