Banka Nacionale së shpejti sjell kartmonedhën e re të 50 frangave

Banka Nacionale e Zvicrës do të shpërndajë që nga muaji prill i vitit 2016 kartëmonedhën e re prej 50 frangash. Ajo prej 20 frangash do ta ndjekë në vitin 2017.

Banka Nacionale e Zvicrës (BNS) do të nisë vitin e ardhshëm një seri të re të kartëmonedhave.

Këto kartëmonedha të serisë së re do të lëshohen në treg në një interval prej gjashtë muajsh deri në një vit, theksoi banaka të premten, më 14 gusht. Banka qendrore do të sigurojë me kohë datat e sakta të shpërndarjes. Të gjitha kartëmonedhat duhet të jenë në qarkullim në fund të vitit 2019.

Sa për kujtesë, futja e një serie të re të kartëmonedhave fillimisht pritej të bëhej në vitin 2010. Megjithatë, nisja u shty për shkak të problemeve teknike.