Banka zvicerane dhuron 50 kompjuterë për shkollën në Kaçanik

Banka nga Zvicra “Bank Julia” me seli në Cyrih, ka dhuruar një donacion prej 50 kompjuterëve për Shkollën e Mesme Profesionale “Feriz Guri dhe Vëllezërit Çaka”, thuhet në njoftimin e Komunës së Kaçanikut, përcjell albinfo.ch.

Drejtori për Arsim dhe Kulturë, Enver Kamishi ka falënderuar bankën zvicerane për këtë donacion, ndërsa shtoi se kjo është arritur falë bashkatdhetares Mimoza Troni, e cila është përfaqësuese e kësaj banke, ndërsa çmoi bashkëpunimin e sinqertë që ka pasur kjo drejtori me përfaqësuesit e kësaj banke.

Drejtori i arsimit tha se këta kompjuterë do të ndihmojnë në ngritjen e cilësisë së mësimit si dhe do të ndihmojnë në praktikimin më të mirë të teknologjisë informative në shkollën profesionale.