Banorët e huaj: Nga vijnë ata dhe sa bëhen zviceranë çdo vit?

Procedura e natyralizimit zbatohet për ata që vijnë nga jashtë, si dhe për njerëzit që kanë lindur në Zvicër nga prindër të huaj

Në Zvicër, niveli i natyralizimit të shtetasve të huaj që mbajnë leje qëndrimi është dy për qind, sipas Zyrës Federale të Statistikave (BFS).

Shkalla është dy herë më e lartë për njerëzit e lindur në Zvicër se sa për ata që kanë lindur jashtë. 

Në vitin 2019, viti i fundit për të cilin gjenden statistikat, pak më shumë se 41,000 të huaj morën pasaporta  zvicerane. Ky numër është pak më i ulët se në vitin 2017 (rreth 45,000) dhe 2018 (42,5000), shkruan The Local, përcjell albinfo.ch. 

Në përgjithësi, shkalla e natyralizimit midis emigrantëve ka qenë e qëndrueshme në dekadën e fundit, thuhet nga BFS. Sidoqoftë, pati një rritje të vogël prej 0.5 për qind midis njerëzve të lindur në Zvicër. 

Ndryshe nga shumë vende të tjera, të lindurit në Zvicër nuk do të thotë automatikisht që personi është zviceran nëse prindërit e tyre kanë lindur jashtë vendit dhe ende mbajnë pasaporta të huaja. 

A ka pasur ndonjë ndryshim në dekadën e kaluar? 

Ndryshimet janë më të perceptueshme në vendet e origjinës së qytetarëve të natyralizuar. 

Në fillim të dekadës, shumica erdhën nga Italia dhe ish-Jugosllavia. Vetëm një përqindje e vogël e atyre që morën shtetësinë zvicerane erdhën nga Gjermania. 

Në vitin 2019, përqindja e gjermanëve u rrit në mënyrë eksponenciale, duke u bërë grupi më i madh i emigrantëve të natyralizuar në Zvicër. 

Dhe ndërsa më pak italianë u natyralizuan në 2019 sesa në 2000, numri i portugezëve u trefishua dhe ka pasur më shumë njerëz nga Franca që u bënë gjithashtu zviceranë, përcjell tutje albinfo.ch. 

Ku në Zvicër janë natyralizuar më shpesh emigrantët? 

Normat më të larta janë në Gjenevë, Cyrih, Zug dhe Vaud, ku, rastësisht ose jo, jetojnë përqindja më e madhe e banorëve ndërkombëtarë. 

Më pak pasaporta u dhanë në Nidwalden, Appenzell Innerrhoden dhe Obwalden, sipas Qendrës Kombëtare të Kompetencës në Kërkim. 

Nga ata që u natyralizuan, 19 përqind – gati një milion njerëz nga popullsia e Zvicrës prej 8.6 milionë – kishin kombësi të dyfishtë. 

Kjo do të thotë se ata u bënë zviceranë duke ruajtur ende kombësinë e vendit të tyre të origjinës. 

Të dy vendet i konsiderojnë këta njerëz si shtetas të tyre dhe asnjëri nuk i konsideron ata si të huaj. 

Në të gjitha rreth 38 përqind e popullsisë së përhershme të Zvicrës (2,7 milioën njerëz) ka një sfond migrimi. Më shumë se një e treta e kësaj popullsie (992,000) ka kombësi zvicerane. 

FSO përcakton sfondin e migrimit si “shtetas të huaj, qytetarë të natyralizuar zviceranë, përveç atyre të lindur në Zvicër dhe prindërit e të cilëve kanë lindur të dy në Zvicër, si dhe shtetas zviceranë në lindje prindërit e të cilëve kanë lindur të dy jashtë vendit”. 

 

---