Basha akuzon Ramën e Vuçiqin si sponsorë të planit të shkëmbimit të territoreve

Kreu i Partisë Demokratike, Lulzim Basha, ka akuzuar  kryeministrin Edi Rama dhe presidentin serb Aleksander Vuçiq se janë të përfshirë totalisht në planin për shkëmbim territoresh mes Kosovës dhe Serbisë, për çka tha se nëse ndodh, do të sillte destabilizimin e rajonit.

“Edi Rama është i përfshirë plotësisht në planin ogurzi të shkëmbimit të territoreve mes Kosovës dhe Serbisë. Së bashku me presidentin serb, Vuçiq, Rama ka lobuar për të çuar përpara këtë projekt, që do të destabilizonte rajonin e Ballkanit.

Gjithsesi tashmë ndërkombëtarët i thanë jo kësaj ideje ogurzezë dhe ne duhet të shikojmë përpara”, deklaroi Basha në një intervistë për TCH, përcjell albinfo.ch.