Basha publikon, siç thotë ai, gënjeshtrat e Ramës

Kryetari i Partisë Demokratike të Shqipërisë, Lulzim Basha, ka publikuar një video në Facebook, ku ka përmbledhur  disa premtime të kryeministrit Rama, për të cilat thotë se ka gënjyer qytetarët.

Kreu demokrat ka kërkuar edhe një herë që politikanët që janë të lidhur me krimin të largohen nga skema politike.

“Dy vjet më parë Edi Rama mohoi mbjelljen e gjithë vendit me kanabis. Edi Rama gënjeu. Tre vjet më parë Edi Rama mohoi se kishte futur kriminelë në Kuvend. Edi Rama gënjeu. Sot Edi Rama kundërshton vettingun në politikë dhe mohon lidhjet me krimin. Edi Rama përsëri gënjen. Politikanët e lidhur me krimin duhet të largohen. Veting në politikë pa vonesë”, thuhet në këtë video.

https://www.facebook.com/lulzimbasha.al/videos/639347746467810/