Bashkimi familjar në Zvicër shumë i vështirë

Bashkimi familjar, veç vështirësive tjera vazhdimisht është i dyshuar si mundësi për keqpërdorim

Disa organizata zvicerane që mbikëqyrin problematikën e azilit dhe të të huajve kanë bërë një raport në të cilin kritikojnë politikën e azilit të autoriteteve zvicerane. Kritikat e tyre janë drejtuar veçanërisht në pengesat që sipas tyre, ua krijon ligji për të huajt personave të huaj që duan të realizojnë bashkimin familjar.

Në këtë fushë shpeshherë shkaktohen probleme pa shtegdalje.

Fajin për këtë e kanë ligjet e ashpra në këtë fushë dhe kërkesat shumë të ndryshme që paraqesin kantonet për bashkimin familjar. Po kështu, bashkimi familjar vazhdimisht është i dyshuar si mundësi për keqpërdorim.

Veç kësaj, autorët e raportit theksojnë se për të realizuar bashkimin familjar kërkohen kushtet e duhura, si banesa e përshtatshme dhe mëvetësia financiare. Shpeshherë për shkak të kritereve të ashpra mbetet njëri fëmijë të jetojë vetëm me njërin prind.

Një karakteristikë që e kanë potencuar organizatat në fjalë është se shtetasit zviceranë qëndrojnë më keq se shtetasit e vendeve të BE-së dhe të EFTA-s në rastin e bashkimit familjar.