Bastiset klubi i natës, arrestohen 5 gra nga Shqipëria e Serbia dhe pronari i klubit

Kjo nuk ishte hera e parë që bastisej ky klub. Në vitin 2016 në një kontrollim të ngajshëm ishin arrestuar 16 “zonja animuese”, një këngëtar nga Maqedonia dhe pronari i klubit

Policia e Kantonit të Cyrihut ka bërë në natën e mbrëmshme një kontrollim në një klub në Glatbrugg të Cyrihut (komuna Opfikon). Me atë rast ajo ka arrestuar gjashtë persona nga Shqipëria dhe nga Serbia, shrkuan polizeinews.ch.

Policët kanë kontrolluar rreth 60 mysafirët që ndodheshin në ambientet e klubit si dhe të punësuarit dhe menaxhuesin e klubit, gjegjësisht barit, transmeton albinfo.ch. Me atë rast i kanë ndaluar pesë gra të moshave nga 26 deri 48 vjeçare me shtetësi të Shqipërisë dhe të Serbisë, të cilat nuk kishin leje përkatëse pune.

Menaxhuesi i klubit, një shtetas 34 vjeçar i Serbisë është arrestuar po ashtu për shkelje të ligjit për të huajt. Në klub është konfiskuar edhe një armë.

Albinfo.ch merr vesh se fjala është për klub që është në menaxhim të shqiptarëve dhe i frekuentuar nga shqiptarët.

Të arrestuarit pas marrjes në pyetje nga prokuroria do t`u nënshtrohen masave në përputhje me ligjin për të huajt, që janë në kompetencë të Zyrës për Migracion.

Siç shkruajnë mediet lokale, kjo nuk ishte hera e parë që bastisej ky klub. Në vitin 2016 në një kontrollim të ngajshëm ishin arrestuar 16 “zonja animuese”, një këngëtar nga Maqedonia dhe pronari i klubit.