Bazeli, në referendum për akuariumin prej 100 milionë frangash

Bazel

Partia e Gjelbër dhe organizatat e mjedisit kanë arritur të detyrojnë një referendum mbi hapjen e një ‘Ozeanium’ që shfaqin krijesa detare dhe të ujërave të ëmbla nga e gjithë bota.

Kundërshtarët e projektit prej 100 milionë frangash (100 milionë dollarë), të planifikuara për hapjen në vitin 2024, arritën të mbledhin më shumë se dyfishin e numrit të nënshkrimeve që kërkohen për të nisur votimin. Kopshtin zoologjik të Bazelit, i cili është mbështetësi kryesor i Ozeanium, pritet ta vizitojnë 700.000 persona në vit.

Janë planifikuar rreth 40 akuariume, të cilat do të presin krijesa ujore si peshkaqenë, rreze, korale dhe pinguina. Ndërtesa, e projektuar nga arkitektë me bazë në Cyrih, Boltshauser Architekten, mund të akomodojë 1.000 njerëz në çdo kohë të caktuar, përcjell albinfo.ch.

Kundërshtarët e akuariumit thonë se nuk janë kundër kopshtit zoologjik të Baselit – që pranon rreth një milion vizitorë në vit – por ideja që kafshët për Ozeanium të ri do të importohen nga e gjithë bota. Kjo ka potencialin që të dërgoj në “vuajtjen e kafshëve” dhe “dobëson ekosistemet”, thonë ata.

Drejtori i kopshtit zoologjik të Bazelit, Olivier Pagan, kundërshton pretendimet e mbështetësve të referendumit. Sipas tij, duke parë krijesat në Ozeanium do të inkurajojë vizitorët të kujdesen për ekosistemet e tyre.

Votimi pritet të bëhet më 19 maj.