BE: Delegacioni serb nuk është i gatshëm të vazhdojë dialogun me Prishtinën

Për vendimin e Beogradit ka njoftuar përmes një kumtese për media ndërmjetësuesi Robert Cooper

“Dialogu sot nuk është zhvilluar, sepse delegacioni serb nuk ka qenë i gatshëm të procedojë me diskutimet sot. Situata në portat doganore, në pjesën veriore të Kosovës, nuk është pjesë e dialogut e as subjekt i çfarëdo negociate të veçantë me Serbinë”, ka ndërmjtësuesi evropian Robert Cooper.

Cooper ka shtuar se në takimin e sotshëm kishte qenë e paraparë të diskutohet për energjinë, telekomunikacionin dhe pjesëmarrjen e Kosovës në forumet rajonale.

“Palët po ashtu është dashur të bisedojnë edhe për implementimin e marrëveshjeve paraprake, të arritura gjatë dialogut në Bruksel”, ka thënë Cooper.

Sipas tij, dialogu do të vazhdojë kur pala serbe të jetë e gatshme për t’u riorganizuar.

“Qëllimi i procesit mbetet diskutimi i çështjeve që kanë për qëllim përmirësimin e jetës së njerëzve dhe sjelljen e palëve më afër BE’së”, ka thënë Cooper, përmes një kumtese për media, tranmsetojnë mediet në Prishtinë.