BE-ja do vëzhgojë edhe zgjedhjet lokale në Kosovë

Apostolova, ka thënë se është e kënaqur që BE do të dërgojë një mision vëzhgues për këto zgjedhje lokale, gjë që e konfirmon përkushtimin e BE-së për Kosovën

Bashkimi Evropian do të vëzhgojë edhe zgjedhjet lokale të 22 tetorit në Kosovë. Shefja e Zyrës së BE-së në Kosovë, Nataliya Apostolova dhe kryetarja e Komisioni Qendror i Zgjedhjeve, Valdete Daka kanë nënshkruar Memorandum Bashkëpunimi.

Apostolova, ka thënë se është e kënaqur që BE do të dërgojë një mision vëzhgues për këto zgjedhje lokale, gjë që e konfirmon përkushtimin e BE-së për Kosovën. Ndërsa Daka deklaroi se vëzhgimi i zgjedhjeve vetëm sa e rrit besimin tek qytetarët, ndërsa shtoi se nga misionet e huaja presin që t’i dorëzojnë kërkesat e tyre për vëzhgues të zgjedhjeve.

BE ka monitoruar edhe zgjedhjet parlamentare të 11 qershorit me 100 vëzhgues në tërë Kosovën të cilat  nga ky mision janë vlerësuar të qeta me disa parregullsi të vogla