BE: Kosova ka përmbushur të gjitha kriteret për liberalizim

Sipas Bashkimit Europian Kosova ka plotësuar kriteret për liberlizim të vizave.

Bashkimi Europian ka thënë sot se Kosova ka përmbushur të gjitha kriteret për liberalizimin e vizave.

Me anë të një konference për media komisioneri i BE-së për Migrim, Çështje të Brendshme dhe Shtetësi, Dimitris Avramopoulos, i ka konfirmuar Kosovës se ka përmbushur kriteret për liberalizim.

“Sot mund të konfirmojmë që Kosova ka përmbushur të gjitha kriteret për liberalizimin e vizave. Është tash në dorën e Parlamentit dhe Komisionit Evropian të vazhdojnë që të lëvizin përpara me propozimin tonë”, tha ai.

Ai uroi institucionet e Kosovës në lidhje me këtë çështje.

Sot gjatë ditës përfaqësuesja e lartë e BE-së, Federica Mogherini ka pritur në takime të ndara delegacionin e Kosovës dhe atë të Serbisë.

Po ashtu, Mogherini ka zhvilluar takim me dy presidentët Hashim Thaçi dhe Aleksandër Vuçiq.

 

---