BE përcakton prioritetet e ardhshme përballë krizave

pixabay

Presidenti i Parlamentit Evropian, David Sassoli, kryeministri slloven Janez Jansha dhe presidentja e Komisionit Evropian, Ursula von der Leyen nënshkruan të enjten Deklaratën e përbashkët mbi prioritetet legjislative të BE-së.

Deklarata u përcakton institucioneve detyrat për të bërë një Evropë më fleksibël dhe transformuese për sfidat që ka përpara.

Sipas nënshkruesve të saj, dokumenti tregon vendosmërinë e institucioneve për të mundësuar që Bashkimi Evropian të dalë më i fortë pas pandemisë së COVID, nga pasojat dramatike të ndryshimeve të klimës dhe krizave të tjera globale.

“BE nuk duhet të ndalet. Vitin e ardhshëm dhe përgjatë viteve në vazhdim deri në fund të legjislaturës askush nuk duhet të ndihet i lënë pas dore. Në ketë gjysmë mandat të legjislaturës kemi ndjekur një shteg të rëndësishëm duke iu përgjigjur krizës me masa të paaplikuara më parë. Ndaj, askush nuk duhet të ndihet i lënë mënjanë. Duhet të vazhdojmë të punojmë në fushën e mbrojtjes, digjitalizimit, inovacionit dhe për këtë kërkojmë angazhimin e institucioneve”, tha David Sassoli, kryetar i Parlamentit Evropian.

Për liderët e Unionit, në më shumë se dy vitet e fundit është bërë më se e qartë tek opinioni publik se pa Evropën e bashkuar, gjithkush do të ndihej më i brishtë dhe më i cenueshëm. Në konferencën për shtyp, Sassoli ka shtuar se, është koha të ripërtërihen lidhjet që duken të shkëputura mes institucioneve të BE-së dhe qytetarëve të tij./Euronews