Begaj dhe Rama urojnë Kurban Bajramin

Edi Rama, FB

Presidenti i Shqipërisë, Bajram Begaj, ka uruar besimtarët myslimanë me rastin e Kurban Bajramit. Kreu i shtetit thotë se kjo festë bart mesazhin e sakrificës sublime.

“Kurban Bajrami është akt arsyeje dhe vullneti, me anë të të cilit ne kuptojmë madhështinë e mesazhit hyjnor dhe përpiqemi të përmbushim rolin tonë për të bërë të mira e për t’iu gjendur pranë atyre që nuk kanë mundësi. Vetëm ky reflektim i gjithsecilit bën të mundur një shoqëri më të mirë e më të drejtë. Gëzuar për shumë vjet Kurban Bajramin”, tha ai.

Një urim të shkurtër e pati edhe kryeministri i Shqipërisë, Edi Rama. Në rrjetet sociale ai postoi një foto me përshkrimin: Gëzuar Kurban Bajramin!