BeH, ka humbur mbi 5 milionë euro nga reciprociteti

Në Sarajevë druajnë se BeH mund ta humbë përgjithmonë tregun e Kosovës, të cilin po e pushtojnë firmat nga Shqipëria, Kroacia dhe Maqedonia

Bosnja e Hercegovina, qëkur hyri në fuqi vendimi i qeverisë së Kosovës për aplikimin e doganës prej 10 për qind ndaj produkteve të këtij vendi, ka humbur mbi 5 milionë euro.

Sipas të 　dhë nave BeH, eksporti vjetor në tregun e Kosovës ishte rreth 80 milionë euro.

Në Odën Ekonomike të BeH kanë vlerësuar se praktika e tillë duhet të ndërpritet, sidomos pasi Beogradi dhe Prishtina arritën marrëveshjen për njohjen e vulave të Kosovës, shrkuajn mediat boshnjake.

“Duhet theksuar se autoritetet e BeH duhet të ndërmarrin aktivitete adekuate për të mundësuar eksportuesve të BeH që edhe më tutje të shesin mallin në këtë treg”, ka thë në eksperti ekonomik Dulo Husiq.

Në Sarajevë druajnë se BeH mund ta humbë përgjithmonë tregun e Kosovës, të cilin po e pushtojnë firmat nga Shqipëria, Kroacia dhe Maqedonia.