Belgjikë: Ndalohet përdorimi i vaksinës “Johnson & Johnson” tek personat nën 41 vjeç

(KEYSTONE/Alexandra Wey)

Belgjika të mërkurën ka ndaluar vaksinimin e personave nën 41 vjeç me vaksinën antiCOVID të “Johnson & Johnson”, pas vdekjes së një gruaje si pasojë e efekte të rënda anësore pas marrjes së kësaj vaksine, njofton agjencia AP.

Qeveria e Belgjikës ka thënë se do të kërkojë një këshillë urgjente nga Agjencia Evropiane e Barnave (Ema) para se të vendosë për heqjen e kësaj ndalese. Belgjika ka thënë se ndikimi në procesin e vaksinimit në vend do të jetë shumë i limituar.