Berlini harxhon 1 miliard euro për të blerë banesa publike

Autoritetet e Berlinit “u vunë në zjarr” të premten për shpenzimin e pothuajse 1 miliard euro për të blerë 6,000 apartamente të banesave publike që ishin privatizuar, për të ulur çmimet e larta të qirave

Sipas marrëveshjes së paralajmëruar të enjten vonë, kompania shtetërore e strehimit “Gewobag” do të riblejë banesat e ndërtuara fillimisht si banesa sociale nga vitet 1960 deri në vitet 1990.

Shifra prej 920 milionë € është më shumë se dyfishi i 405 milionë eurove, që qyteti kishte bërë kur privatizoi pronat më 2004, sipas mediave gjermane, përcjell albinfo.ch.

Kryetari i kryeqytetit gjerman, Michael Müller, tha se marrëveshja kishte për qëllim “mbajtjen e qirave në Berlin të qëndrueshme”.

Blerja shënon rikualifikimin më të madh të ndërmarrë nga qyteti, ku qiratë janë dyfishuar në dekadën e kaluar.

Partia e ekstremit të djathtë AfD sulmoi këtë veprim si “një humbje parash” dhe FDP akuzoi Gewobag së bashku me qeverinë e Berlinit për “pjesëmarrje në spekulimet e pronave”, përcjell tutje albinfo.ch.

Rritja e kostove të banesave është bërë një çështje e nxehtë në Berlin, duke bërë që disa banorë të mendojnë zgjidhje radikale, duke përfshirë fushatat për kapjen e banesave nga pronarë të fuqishëm.

Të alarmuar nga tendenca, qeveria e qytetit të Berlinit në qershor ra dakord për skicimet e një projektligji që do të përfshinte ngrirjen e qirave për pesë vjet nga viti 2020.

Projektligji, i cili është ende duke u hartuar, do të synojë të parandalojë rritjen e qirave për 1.5 milion apartamente, thanë autoritetet e Berlinit.

---