Berset hap aktivitetin në 500 vjetorin e “Paqes së përjetshme” në mes të Zvicrës dhe Francës

Kolokuiumi, në të cilin marrin pjesë 12 profesorë universiteti, historianë dhe personalitete tjera, organizohet në 500 vjetorin e nënshkrimit në Freiburg (29 nëntor 1516) të “Paqes së amshueshme”

Përkrah presidentit të Senagtit Francez, Gerard Larcher, minisrui zviceran Alain Beerset ka hapur sot kolokuiumin e organizuar në shenjë të 500 vjetorit “paqes së përjetshme” në mes të Zvicrës dhe Francës. Ai takon sot edhe ministren e shëndetësisë Marisol Touraine, për të nënshkruar me të një Marrëveshje në fushë të shëndetësisë, thuhet në një komunikatë nga Këshilli Federal.

Kolokuiumi, në të cilin marrin pjesë 12 profesorë universiteti, historianë dhe personalitete tjera, organizohet në 500 vjetorin  e nënshkrimit në Freiburg (29 nëntor 1516)  të “Paqes së përjetshme”. Kjo aleancë në mes të dy vendeve ka pasur rëndësi thelbësore në historinë e marrëdhënieve në mes të Zvicrës dhe Francës.

Berset takon sot edhe homologen e tij, ministren e shëndetësisë Marisol Touraine, për të nënshkruar me të një Marrëveshje për bashkëpunimin në mes të dy vendeve në fushë të shëndetësisë. Me këtë marrëveshje lehtësohet dhe promovohet mbulimi i kostos së përkujdesjes shëndetësore. Ajo do të mundësojë edhe qasjen më të shpejtë në ndihmën e parë dhe këmbimin e informatave në lëmin e shëndetësisë. Kjo vlen në veçanti për popullatën në afërsi të kufirit në mes të dy vendeve, nga të dyja anët.