Bie çmimi i grurit

Çmimet e grurit kanë pësuar rënie për dallim nga ditë më parë kur pati ngritje të tyre për shkak të pezullimit të marrëveshjes për kalimin e lirë të grurit nga ana e Rusisë.

Rënia e çmimeve erdhi menjëherë pasi Rusia njoftoi se kishte marrë garanci me shkrim nga Ukraina për të çmilitarizuar korridorin detar të përdorur për eksportin e ushqimit dhe për këtë arsye ra dakord të kthehej në marrëveshje.

Gruri ra në 340,50 euro për ton rreth orës 15:30 në Euronext, me një rënie prej 4,8% nga mbyllja e djeshme. Çmimi i sojës ra në 657 euro për ton (-2%) dhe i misrit në 332.75 euro për ton (-1.5%).