Bie në 128 numri i infeksioneve brenda një dite në Zvicër

Të dielën kanë qenë 200 raste, të shtunën, 253, të premten, 268 dhe të enjten e të mërkurën nga 234 raste

Zyra Federale e Shëndetit Publik (BAG) ka raportuar sot për Zvicër dhe Principatën e Lihtenshtajnit 128 infeksione të reja të konfirmuara. Kjo paraqet një rënie të konsiderueshme në raport me numrin e djeshëm dhe sidomos me numrat e gjithë javës së kaluar.

Të dielën pra ishin 200 raste, të shtunën, 253, të premten, 268 dhe të enjten e të mërkurën nga 234 raste.

Deri më tani në Zvicër janë gjithsej 38,252 raste të konfirmuara nga laboratori Covid-19, transmeton albinfo.ch. Ndërsa nga fillimi i pandemisë, kanë vdekur 1.716 persona të testuar pozitivisht për Covid-1,.

5.2 për qind e testeve të realizuara për koronavirus kanë rezultuar pozitive. Gjithsej 4434 persona janë detyruar të shtrohen në spital që nga fillimi i pandemisë.

1568 persona të infektuar kanë qëndruar në izolim për shkak të gjurmimit të kontakteve, përcjell albinfo.ch. 4,632 persona të tjerë, të cilët kanë qenë në kontakt me të infektuarit, janë karantinuar. Ndërsa 16.131 njerëz ishin në karantinë pasi që janë kthyer nga një vend rreziku.

Shifrat vijnë nga 25 kantone dhe nga Lihtenshtajni.

---