Bie numri i rasteve të reja në Maqedoni, në 24 orë 87 infektime

Keystone EPA/GEORGI LICOVSKI

Sërish bie numri i rasteve të reja me Covid-19 në bazë ditore. Nga të dhënat më të fundit të Institutit të Shëndetit Publik del se gradualisht në Maqedoninë e Veriut po bie numri i rasteve të reja, transmeton albinfo.ch.

Në 24 orët e fundit janë regjistruar 87 raste të reja nga 1156 teste të bëra.

Më shumë raste ka në Shkup-34, Kumanovë-13, Tetovë-8, Strugë-1, Manastir-1, Kavadar-4, Gostivar-20, Strumicë-2, Berovë-1, Kërçovë-3.

5 persona e kanë humbur jetën, tre pacientë nga Shkupi, të moshës 49,74 dhe 72 vjeçe, një pacient nga Struga në moshën 53 vjeçe dhe një pacient nga Berova në moshën 57 vjeçe.Të gjithë pacientët kanë vdekur në Spitale.

Nga ana tjetër të dhënat zyrtare tregojnë se gjatë 24 orëve të fundit janë regjistruar 51 pacientë të shëruar. /Albinfo.ch