Blinken, sërish me paralajmërim për Kosovën e Serbinë

Blinken

Sekretari amerikan i Shtetit, Antony Blinken, ka bërë sërish thirrje për Kosovën dhe Serbisë që të ndërmarrin hapa të menjëhershëm për uljen e tensioneve në veri të Kosovës.

Ai paralajmëroi se situata aktuale pengon proceset integruese euroatlantike për të dyja palët.

“Në diskutimin e sotëm, shumë aleatë shprehën gjithashtu shqetësimin për rritjen e tensioneve në veri të Kosovës dhe dënuan fuqishëm sulmet e fundit ndaj trupave të KFOR-it, dhe ne sot po mendojmë për kolegët tanë italianë dhe hungarezë që u plagosën në atë sulm”, tha Blinken në Oslo, pas një samiti jozyrtar të ministrave të Jashtëm të NATO-s.