Bllokohen për disa orë në teleferik, shpëtimi u vjen nga helikopteri

Teleferiku ka ndaluar papritmas kur freri i emergjencës është aktivizuar në një teleferik tjetër, paralel

Në Lungern OW të gjithë udhëtarët u desh të evakuoheshin nga një teleferik i bllokuar. Bllokimi kishte zgjatur disa orë.

Policia e kantonit Obwalden ka konfirmuar një raport përkatës nga gazeta “Blick”.

Sipas shërbimit për shpëtim Rega, në bord ndodheshin 27 persona, transmeton albinfo.ch. Në ndërkohë, aksioni i shpëtimit ka përfunduar dhe kështu, të gjithë udhëtarët janë përsëri në siguri.

Një person i shpëtuar thotë për 20 minuten për tronditjen që kanë pësuar. Ai kishte marrë teleferikun në mëngjes për të bërë një shëtitje nëpër dëborë.

Teleferiku ka ndaluar papritmas kur freri i emergjencës është aktivizuar në një teleferik tjetër, paralel.

Pasagjerët kanë pësuar tronditje por pasi qendra ka kontaktuar me telefon në teleferik, gjendja ishte relaksuar.

Tani, pasi rreziku ka kaluar, në retrospektivë kjo mbetet kryesisht një përvojë interesante: “Kështu kam fituar një fluturim falas me helikopter”, thotë njëri nga dëshmitarët.

---