Bosnjë e Hercegovina do të hapë kufijtë më 1 qershor

Autoritetet e Bosnjë  e Hercegovinës njoftuan se do të hapen kufijtë e saj për qytetarët e vendeve fqinje, Serbisë, Malit të Zi dhe Kroacisë, më 1 qershor.

“Kufijtë do të jenë të hapura për të gjithë qytetarët e vendeve fqinje, pavarësisht nga arsyet pse vijnë në Bosnje”, tha Zoran Tegeltija, kryetar i Këshillit të Ministrave.

Më 11 mars, Bosnjë e Hercegovina zyrtarisht ndaloi hyrjen nga vendet më të rrezikuara, të cilat kishin numrin më të madh të rasteve me koronavirus.

Sipas Tegeltija, të gjithë qytetarët që vijnë në Bosnjë do të duhet t’u përmbahen masave të nxjerra nga institutet epidemiologjike.

Për qytetarët e vendeve të Bashkimit Evropian dhe pjesës tjetër të botës, masat e ndalimit të miratuara më 11 mars mbeten në fuqi.

Përveç një sërë masash lehtësuese, Këshilli i Ministrave gjithashtu mori një vendim për hapjen e trafikut ajror,  përcjell Albinfo.ch.