OBSH: Bota duhet të jetë më e përgatitur për pandemi tjetër eventuale

Keystone (AP Photo/Ronald Zak)

Shefi i Organizatës Botërore të Shëndetësisë, Tedros Adhanom Ghebreyesus, tha të hënën se bota duhet të jetë më mirë e përgatitur për pandeminë e ardhshme, duke u bërë thirrje vendeve të investojnë në shëndetin publik.

Më shumë se 27.19 milionë njerëz janë raportuar të infektuar nga koronavirusi i ri global dhe 888,326 kanë vdekur, sipas një liste nga Reuters, që kur rastet e para u identifikuan në Kinë në dhjetor 2019.

“Kjo nuk do të jetë pandemia e fundit”, tha Tedros në një konferencë për shtyp në Gjenevë. “Historia na mëson se shpërthimet dhe pandemitë janë një fakt i jetës. Por, kur të vijë pandemia tjetër, bota duhet të jetë gati – më e gatshme sesa ishte kësaj here”, shkruan “Reuters”, përcjell albinfo.ch.