BQK: Çmimet e konsumit janë rritur në Kosovë

Sipas raportit të BQK-së për tremujorin e dytë, indeksi i çmimeve shënoi rritje mesatare prej 1.7 për qind

Banka Qendrore e Kosovës ka njoftuar se në gjysmën e parë të këtij viti, niveli i çmimeve në Kosovë është karakterizuar me rritje. Sipas raportit të BQK-së për tremujorin e dytë, indeksi i çmimeve shënoi rritje mesatare prej 1.7 për qind.

“Sa u përket komponentëve, me rritje u karakterizuan çmimet e rrymës, gazit dhe lëndëve tjera djegëse. Rritje ka pasur edhe në transport, pije alkoolike dhe duhan. Ndërsa, me rënie të çmimeve u karakterizuan kryesisht prodhimi i metaleve, prodhimi i drurit dhe prodhimi i lëkurës.”