BQK: Mbi 112 milionë euro i sollën mërgimtarët në Kosovë vetëm gjatë marsit

pixbay

Pa dyshim se një nga shtyllat kryesore të ekonomisë së Kosovës janë remitencat nga e mbarë diaspora, shkruan albinfo.ch.

Referuar të hyrave mujore, thuhet se mbi 112 milionë euro është vlera dërgesave të mërgatës që janë sjellë në Kosovë gjatë muajit mars 2024, thuhet në statistikat e institucioneve financiare për këtë periudhë, të publikuara nga Banka Qendrore e Republikës së Kosovës (BQK).

Vlera totale e tyre për tre muaj, sipas vlerësimeve, ka arritur në 284.07 milionë euro.

Sipas raportit, prurjet më të mëdha të remitencave ishin nga institucionet financiare jobankare me pjesëmarrje prej 64.46 për qind, pasuar nga kanalet e tjera me 23.34 për qind dhe bankat me 15.20 për qind.

Për sa u përket aseteve të kompanive të sigurimit, BQK-ja tregoi se deri në këtë muaj vlera e tyre ishte 314.83 milionë euro, duke shënuar rritje prej 2.11 milionë euro krahasuar me shkurtin.

Ndërsa, asetet e fondeve pensionale kanë arritur vlerën e 2.87 miliardë eurove, e cila përfaqëson rritje për 74.14 milionë euro.