BQK: Remitencat nga diaspora u rritën 5.5%

Guvernatori i Bankës Qendrore të Kosovës, Fehmi Mehmeti, ka deklaruar se kosovarët që jetojnë në vende të ndryshme të botës po vazhdojnë të dërgojnë para në Kosovë dhe se ata janë një ndër tri shtyllat kryesore të ekonomisë së Kosovës.

“Në vitin 2018 mërgimtarët dërguan në Kosovë 800 milionë euro, kjo është një rritje vjetore prej 5.5 %.

Edhe 1 miliard euro janë shpenzime të udhëtimeve që ne besojmë se janë realizuar nga banorët jorezidentë të Kosovës, e në këtë rast mërgimtarët. Shuma shkon deri në 1.8 miliard euro për një vit”, deklaroi ai për Televizionin Publik të Kosovës.

Sipas tij, do të ishte mirë që remitencat të investoheshin në zhvillimin ekonomik të Kosovës dhe jo vetëm për konsum që sot po shpenzohen në Kosovë.