Breshëri dëmtoi rëndë aeroplanin e „Austria Airlines” para aterimit në Vjenë

Xhami i përparmë dhe "hunda" e aeroplanit u dëmtuan rëndë nga breshëri, por fatmirësisht askush nuk u lëndua, raporton albinfo.at

Një aeroplan i “Austria Airlines” I cili ishte nisur nga Majorka ateroj në Vjenë i dëmtuar, pasi që gjatë rrugës u përplas me një stuhi breshëri.

Nga “hunda” e makinerisë së aeroplanit kanë mbetur vetëm disa pjesë. Nga përplasja, dritarja është copëtuar në dhjetëra vrima. Fluturimi OS 434 I cili ishte nisur nga ishulli spanjoll i pushimeve Majorka për në Vjenë, ishte një udhëtim i frikshëm për ekuipazhin dhe pasagjerët, shkruan albinfo.at

Siç tregon një foto e aeroplanit të AUA-së i cili verbërisht u ulë në Vjenë të dielën në orën 17:20,  shihet se nga breshëri, është dëmtuar rëndë edhe “hunda” e avionit. Fatmirësisht nuk ka të lënduar. Brigada e zjarrfikësve të aeroportit dhe shërbimet e urgjencës u gjendën menjëherë në vendngjarje, por nuk u desh të ndërhynin.

“Për shkak të dëmtimit është bërë thirrja e urgjencës Mayday. Aeroplani mundi të ulej i sigurt në aeroportin e Vjenës-Schwechat“, thuhet në njoftimin e Austria Airlines.

---