Britania, Gjermania dhe Franca forcojnë bashkëpunimin në fushën e mbrojtjes

Franca e Gjermania ”OK” ombrellës së përbashkët bërthamore, afrohet edhe Anglia

Udhëheqësit e Britanisë së Madhe, Gjermanisë dhe Francës, të njohur si grupi E3, kanë diskutuar për forcimin e mbrojtjes kolektive dhe sigurisë në bashkëpunim me partnerët e tjerë, njofton qeveria britanike, përcjell albinfo.ch.

Kryeministri britanik, Keir Starmer, kancelari gjerman, Friedrich Merz, dhe presidenti francez, Emmanuel Macron, janë takuar në kuadër të Konferencës së Sigurisë në Munich, Gjermani.

Zëdhënësi i Downing Street përcolli mesazhin e Starmer, i cili theksoi rëndësinë e shfrytëzimit të kapaciteteve të mëdha mbrojtëse për të forcuar sigurinë e përbashkët dhe për të sjellë përfitime për qytetarët.

Ai shtoi se liderët konfirmuan “mbështetjen e vazhdueshme për Ukrainën, veçanërisht pas sulmeve të fundit të tmerrshme ruse, si dhe angazhimin për të punuar në sigurimin e një paqeje të drejtë dhe të qëndrueshme”.

Megjithëse Starmer ka mbrojtur kohët e fundit një bashkëpunim më të ngushtë me Bashkimin Evropian, Londra dhe Brukseli ende nuk kanë arritur përparim të dukshëm në forcimin e partneritetit në fushën e mbrojtjes. Liderët e tre vendeve theksuan se do të vazhdojnë të mbështesin Ukrainën në luftën kundër Rusisë.

---