Britania ndalon lëshimin e vizave për njerëzit e pasur

Oligarkët rusë do të preken më rëndë nga ndalimi në Mbretërinë e Bashkuar. Vendi ka qenë prej kohësh tërheqës për rusët super të pasur

Britania e Madhe përkohësisht do të pezullojë dhënien e vizave për investitorët e pasur, e cila mbyll rrugën e qëndrimit të përhershëm dhe marrjen e shtetësisë britanike. Një praktikë e këtillë ishte popullarizuar në mesin e oligarkëve rusë dhe kinezëve të pasur, shkruan albinfo.ch.

Programi po ngrihet si pjesë e reformave kundër pastrimit të parave dhe krimit të organizuar, sipas një deklarate nga Ministria e Brendshme. Lëshimi i vizave do të vazhdojë pasi të bëhen ndryshimet e parashikuara për vitin 2019.

Ngrirja për liberalizimin vjen pasi marrëdhëniet mes Britanisë dhe Rusisë janë përkeqësuar pas helmimit të një ish-agjenti të dyfishtë. Kryeministrja britanike, Theresa May, iu përgjigj ndalimit të qëndrimit të dhjetëra spiunëve të dyshuar nga vendi. Miliarderi rus, Roman Abramovich, ishte ndër ata që është goditur nga ky skandal. Qeveria e Britanisë nuk ia kishte vazhduar vizën, dhe më pas ai mori nënshtetësinë izraelite.

Numri i aplikantëve për viza nga investitorët e pasur ra ndjeshëm në vitin 2015, pasi qeveria paraqiti kontrolle të reja që kanë për qëllim pastrimin e parave, duke dyfishuar vlerën minimale të investimeve deri në 2 milionë paund (2.6 milionë dollarë).

Programi i vizave është i hapur për shtetasit e vendeve jashtë zonës ekonomike evropiane dhe Zvicrës. Investitorët kinezë kanë përdorur këto viza gjithnjë e më shumë kohët e fundit.

Programet e emigracionit të mbështetura nga qeveria nuk janë të pazakonta në pjesë të tjera të botës. Shtetet e Bashkuara ofrojnë një program imigrimi, i njohur si viza EB-5, e cila u lejon emigrantëve të krijojnë vende pune në vend për të qëndruar përgjithmonë. Portugalia gjithashtu ka një program që garanton një vizë nëse blejnë pasuri me vlerë 500 mijë euro ose më shumë.

Oligarkët rusë do të preken më rëndë nga ndalimi në Mbretërinë e Bashkuar. Vendi ka qenë prej kohësh tërheqës për rusët super të pasur.

“Ne nuk do të tolerojmë njerëzit që nuk “luajnë” sipas rregullave dhe përpiqen të abuzojnë me sistemin”, tha ministri i Brendshëm, Caroline Nukes, përcjell albinfo.ch.

---