Britania, vendi i parë në Europë me mbi 100 mijë viktima nga Covid-19

(KEYSTONE/AP Photo/Frank Augstein)

Mbretëria e Bashkuar është bërë vendi i parë në Europë që regjistron më shumë se 100 mijë viktima nga COVID-19.

Të martën, autoritetet raportuan 1.613 viktima, ndërsa numri total i të infektuarve nga fillimi i pandemisë është mbi 100 mijë, raporton Euronews, përcjell Albinfo.ch.

Sipas këtyre shifrave, Britania bëhet vendi i pestë në botë që i tejkalon 100 mijë fatalitete nga virusi, pas Shteteve të Bashkuara, Brazilit, Indisë dhe Meksikës.

Yvonne Doyle, drejtoreshë në Agjencinë e Shëndetit Publik të Anglisë, e ka cilësuar si një “moment kthjellimi”, teksa shtoi se “këto nuk janë thjesht shifra”, por “persona, familjarë e miq të dikujt”.

“Virusi ka marrë miliona jetë njerëzish në mbarë botën, por kemi mësuar shumë për të në vitin e fundit”, tha Doyle.

Kryeministri Boris Johnson pritet t’u adresohet qytetarëve në mbrëmje.