Cakaj: Merkel konfirmoi mbështetjen për hapjen e negociatave

Gent Cakaj (Facebook)

Kryeministri i Shqipërisë, Edi Rama dhe ministri i Jashtëm në detyrë, Gent Cakaj, kanë përfunduar takimin me kancelaren gjermane, Angela Merkel, shkruan albinfo.ch.

Siç ka njoftuar Cakaj përmes një postimi në Facebook, ata kanë dalë nga ky takim me mbështetjen absolute të Merkelit për hapjen e negociatave për anëtarësimin e Shqipërisë në BE.

“Takimi me Kancelaren Angela Merkel konfirmoi edhe një herë mbështetjen absolute të Gjermanisë për çeljen e negociatave për anëtarësim të Shqipërisë në BE. Progresi i madh i Shqipërisë në 5 prioritetet kyçe, me theks të veçantë në reformën në drejtësi, merr vlerësimin më të lartë nga Gjermania. Shqipëria do të vazhdojë të luajë rolin e saj të pazëvendësueshëm në stabilitetin rajonal dhe afirmimin e vlerave evropiane në Ballkanin Perendimor! Shumë mirënjohës për përkushtimin e Kancelares Merkel ndaj Shqipërisë”, ka shkruar Cakaj, përcjell albinfo.ch.

Edhe kryeministri Rama ka postuar një foto nga takimi me kancelaren Merkel, të cilën e ka cilësuar si “Foto e ditës”.