Çdo i pesti pensionist në Gjermani jeton nën kufirin e varfërisë

Miliona njerëz të moshuar në Gjermani janë nën kufirin e varfërisë

Numri i të moshuarve në Gjermani që janë të varfër ose në prag të varfërisë po rritet nga viti në vit, kështu që, siç janë publikuar të dhënat e bëra së fundmi nga Byroja e Statistikave Gjermane për vitin 2017, zbulohet se pothuajse çdo i pesti pensionist është në rrezik të varfërisë.

Rreth 3.2 milionë njerëz të moshuar në Gjermani janë nën kufirin e varfërisë, që është 215,000 më shumë sesa në vitin 2016 dhe 803,000 më shumë sesa në 2010.

Në vetëm shtatë vjet, numri i pensionistëve në rrezik të varfërisë është rritur për një të tretën, e statistikat për vitet 2018 dhe 2019 pritet të tregojnë se kjo prirje negative po vazhdon, përcjell albinfo.ch.

Sipas statistikave gjermane, të gjithë ata që jetojnë vetëm në familje dhe marrin më pak se 60 për qind të pagës mesatare janë në rrezik të varfërisë, megjithëse merren parasysh disa faktorë të tjerë, por në fakt, njerëzit me më pak se 905 euro në muaj në Gjermani konsiderohen të varfër.

---