CEFTA përshendet marrëveshjen për vulat

Takimi ishte thirrur nga Serbia për të diskutuar për masat e reciprocitetit të aplikuara nga qeveria e Kosovës

Delegacioni i Ministrisë së Tregtisë dhe Industrisë, ka marrë pjesë në takimin e Komitetit Special të Përbashkët të marrëveshjes për tregti të lirë në Evropën Juglindore (CEFTA) në Bruksel.

Takimi ishte thirrur nga Serbia për të diskutuar për masat e reciprocitetit të aplikuara nga qeveria e Kosovës.

Duke marrë parasysh marrëveshjen e arritur për pranimin reciprok të vulave doganore në raundin e gjashtë të bisedimeve, pika kryesore në agjendë kishte të bëjë pikërisht me këtë marrëveshje, shkruajnë mediat kosovare.

Në takimn që u kryesua nga Kosova, kanë marrë pjesë përfaqësues nga shtatë shtete anëtare të CEFTA-s, me përjashtim të Shqipërisë.

Në konkluzionet e mbledhjes së Komitetit Special të Përbashkët është përshëndet marrëveshja e arritur me 2 shtator në Bruksel, si dhe është shpreh besimi se palët e përfshira do të angazhohen maksimalisht për implementimin e marrëveshjes ne përputhshmëri të plotë me procedurat e CEFTA-s.

Komisioni po ashtu inkurajoi të gjitha palët që të mundohen t’i zgjidhin çështjet e tregtisë nëpërmjet konsultimeve bilaterale dhe në vijë me politikat e CEFTA-s.