Cili shtet evropian është prodhuesi më i madh i akullores?

cegoh Jason Goh

Mësohet se gjatë vitit 2020 BE ka prodhuar mbi 2.9 milionë litra akullore, rreth 9% më pak se sa një vit më parë, përcjell albinfo.ch.

Thuhet se vendet anëtare të BE-së kanë eksportuar 232 milionë kilogramë akullore jashtë Unionit, me vlerë totale 752 milionë euro, shkruan euronews.

Gjermania është vendi kryesor për prodhimin e akullores mes vendeve të BE-së për vitin 2020, me 642 milionë litra akullore. Pas saj vjen Franca me 516 milionë litra dhe Italia me 509 litra akullore të prodhuara në një vit.

Përveç se është prodhuesja më e madhe në BE, Gjermania gjithashtu ka edhe çmimin më të lirë për litër, 1.3 euro.

Kurse, Franca ka raportuar çmimin më të lartë, 2.2 euro për një litër akullore e ndjekur nga Italia me 2 euro.

Ndonëse Gjermania është prodhuesja më e madhe, Franca qëndron në krye sa i takon eksportit me 59 milionë kg. Në vend të dytë është Holanda me 38 milionë kg akullore dhe e treta Gjermania me 29 milionë.